MTKP ROREL 2017 ZAWH FEL A NI

ROREL VAWI 63-NA 

Mizoram Thalai Kristian Pawl (MTKP) Rorel vawi 63-na, February 9, 2017-a Mizoram Baptist Kohhran Biak In, Zotlang North, Lunglei-a neih chu tluang takin an zo ta. Rorel Inkhawm hi dar 10:00 Am –ah tanin, Rev. Jc Vanlalluaia, MTKP President-in Rorel hi kaihruai a, MTKP Organiser, Rev. Lianchhunga Khiangte-in Report a pe. In chhiar laia Rorel palai zat hi 459 an ni.

MTKP Organiser report-in a tarlan danin – Pastor Bial 81 -ah Unit 412 an awm mek a. TKP member 43,220 niin, Hmeichhia – 16,244 leh Mipa -26,976 an ni. Bazar Bial-ah member tam berin 1725 an awm a, Parva Bial-ah member tlem berin an vaiin member 73 an awm thung. Kumin (2016-2017) chhungin member 132 (mipa 109 leh hmeichhia 23)-in ropuina ramah min hawnsan a, nupui/pasal nei tuak 625 awmin chung zinga tuak 344 (55.04%)chu Dan puitlinga innei an ni a, tuak 281 (45.96 %)chu Dan te-a innei an ni thung. MTKP-in Missionary Support atan Rs. 165,000/- a thawh bakah Pastor Bial 77 in Missionary an (chawm)support a. Unit 237 in Missionary support an nei bawk

MTKP Rorel 2017 Thu Passed te-

1). MTKP thuzir atan BCM Thurin(Doctrine) hi hman ni rawh se.

2). TKP hming, thutiam, din chhan leh rawngbawlna behchhan hla inphuah siakna, buatsaih ni se, Lawmman tha tak siam ni rawh se.

3). TKP member thi an awmin MTKP Rorelnaah sunna hun hman thin ni se.

4). MTKP huapin HIV/AIDS vei tanpui ngai zualte tanpuina turin unitvtinbTKP inkhawm vawi khat thawhlawm hi MTKP ah chhun luh nise.

5). Human trafficking chungchanga, MTKP hmalakna hi chhunzawm ni rawh se.

6). Ruihhlo that lohzia inzirtirna hi MTKP hian kalpui chhunzawm leh ni rawh se.

7). MTKP inkaihhruaina dan hi Inkhawmpui kum ah chauh ennawn emaw siam that ni rawh se.

8).MTKP  Budget 2017-2018 atan Rs. 950,000/- passed a ni.

Kan Bial-Zotlang Pastor Bial, Aizawl Target Rs 19500/- pawh MTKP Rorel na ah hian pawm a nih ve leh pek tlak nghal a ni.

(Hei hi Fellowship FOD-Organisation Department ah thlen chhoh leh tur ani ang).

Kumin Rorelna ah hian BCM puipa te atangin Rev.C.Vanlaldika AGS i/c Mission leh Rev.KV Thanga FOD Director ten min tel pui thei a ni.

MTKP in Kum 2016 kum kalta khan rawngbawlna leh hmalakna hrang hrang a neih te-

1. BCM Mission Department-ah Mission Support Rs 1,65,000/- a chhung lut a. Tin, Pastor Bial 77 leh Unit 237 ten Missionary Support an pe bawk.

2. TKP Ramthim Ni thawhlawm tling khawm atangin BCM West Bengal Mission Field huam chhung Baptist Church of Sikkim (BCS) Tinkitam Biak In sak tanpui nan Rs 3,00,000/- an pe bawk.

3. MTKP Inkhawmpui tanpuina TKP Member tinah Kum tin Rs 10/- khawn thin in Kum 2016 khan Rs 2,34,622/- a lut tawh a ni.

4. TKP Day 2016 thawhlawm tlingkhawm atangin BCM Hunthar Biak In tanpui nan Rs 2,00,000/- tanpuina an hlan bawk.

5. Christian Hospital Lawngtlai Cabin sak nan Rs 1,00,000/- pek a ni bawk.

6. Christian Hospital Serkawn Poor Fund pualin Unit tin vawikhat fehchhuah neiin Rs 3,18,310/- an hlan tawh bawk.

7. MTKP chuan a thlawna thisen pek leh Blood donation Calendar a siam thin.

     Tin, MTKP hian hmalakna lian tak mai a nei a. Chu chu Human Trafficking leh Ruihhlo that lohzia inzirtirna chu Mizoram sawrkar Social Welfare Department nen tang dunin hma an lak mek bawk a. Mini clip Videos, Poster Campaign, Hoarding Board tar te neiin Television kaltlangin Talk Show, Middle School Television Quiz Show leh Training of Trainers te pawh buatsaih a ni bawk.

 Inkhawpui leh Rorel:

Mizoram Thalai Kristian Pawl hian MTKP Inkhawmpui hi Kum hnih dan (kum thumna ah) neih thin a ni a. Kum 2019 hian MTKP Inkhawmpui vawi 46-na chu Tlabung ah neih a ni ang a. MTKP Rorel vawi 64-na chu Hnahthial South ah neih a ni bawk ang.

MTKP Hruaitute 2016-2019 :

President – Rev. JC. Vanlalluaia

Vice President – H. Lalthangliana

Organiser – Rev. Lianchhunga Khiangte

Asst. Secretary – V. Rokhawlkima

Treasurer – Malsawmtluangi

Fin. Secy. – Zothantluangi Khiangte

Sr. Advisers – 

Upa Biakthansanga Khiangte

Upa P.C. Lianthanga

Kan Unit aiawh in Tv C.Lalbiakkima Unit Secretary chu MTKP Rorel Palaiin a kal a ni.